Археолошки истражувања на локалитетот „Чаир Рид”, с.Тремник, општина Неготино Во периодот од 11 јули до 31 јули 2019 година се реализираа сондажните истражувања на локалитетот “Чаир Рид“, чија цел е да се добијат научни податоци за стратиграфијата и обемот на овој импозантен археолошки локалитет. Со овие истражувања засега се открија остатоци од живеење од бронзено време, железно време, предримскиот (класичен и хеленистички) период и од римскиот царски период. Пронајдени се остатоци од една градба од римскиот период, која навестува постоење на сакрален објект (храм), но за целосно дефинирање ќе бидат потребни идни пообемни истражувања. Проектот е поддржан од Министерството за култура на РСМ, според програмата за проекти од национален интерес за 2019 година, како и од општина Неготино. Носител на проектот е општинската установа Музеј на град Неготино во соработка со Филозофски Факултет-Скопје, Институт за историја на уметноста и археологија, раководители на проектот се проф.д-р Марјан Јованов и проф.д-р Антонио Јакимовски.