Од 24 јуни до 28 јуни 2019 година се одржа ликовната меѓународна колонија НЕГОТИНО 2019 во манастирскиот комплекс “Св.Ѓорѓи“ во Неготино. Проект подржан од Министерството за култура на Република Северна Македонија и општина Неготино, во организација на општинската установа Музеј на град Неготино. Период исполнет со работа, пријателство, едуцирање, дружење и најмногу запознавање на природните убавини во прекрасниот манастир “Св.Ѓорѓи“ и општина Неготино, посебно со посетата на приватната винарија “Венец“ од Долни Дисан. Преубав период исполнет со убавини, уметност помеѓу учесниците и организаторите на оваа колонија. Како резултат на оваа активност се одржа ликовна изложба во дворот на манастирот “Св.Ѓорѓи“ со ликовни дела од уметниците учесници на ликовната колонија, збогатена со поетско читање на Наташа Радосављевиќ Нара, автор на стихозбирката “Пољубац тишине“, ликовен уметник и учесник на колонијата, од Белград. Албумот ликовна колонија НЕГОТИНО 2019 содржи фотографии од свеченото затварање на колонијата и периодот од отварањето, кое се одржа во општинската установа Музеј на град Неготино преку творење, дружење и се до затварањето на колонијата.