На 07 Јуни 2019 година (петок), во 12.00 часот во Општинската установа Музеј на град Неготино, во соработка со Националната Установа Музеј на Република Северна Македонија, беше промовирана збирката документарни етнолошки филмови на авторите Владимир Боцев и Елизабета Конеска. Оваа збирка на филмови, произведени од 1997 до 2015 година, практично преставува прво вакво музејско издание во Македонија кое содржи 13 филмови во кои се обработуваат теми од обредниот и секојдневниот живот на Македонците, но и некои занаети кои се на прагот на исчезнување. Беа презентирани етнолошките документарни филмови: "Во името на господ" (2001 година) и "Возот за Мартолци" (2004 година), пред неготинската публика во Музеј на град Неготино, од збирката на документарни филмови во продукција на НУ Музеј на Република Северна Македонија, снимени од д-р Владимир Боцев, етнолог кустос-советник од НУ Музеј на Република Северна Македонија!!!