15 април - Светскиот ден на уметноста е одреден на 17 Генерално собрание на Асоцијацијата на уметностите при ИКОМ-УНЕСКО, во Гвадалахара, Мексико. На 05 април 2011 година, едногласно е усвоено на 15 април (роденденот на Леонардо да Винчи) да биде светски ден на уметноста. Воведувањето на Светскиот ден на уметноста треба да помогне на сегашните и идните генерации да ја осознаат важноста на уметноста низ вековите. 15 април-Светскиот ден на уметноста одржан во Музеј на Град Неготино со хуманитарна изложба на репродукции на познати уметнички дела на Винсент Ван Гог, Густав Климт, Мондријан, Јоханес Вермер, Леонардо да Винчи и др., изработени од вештите раце на учениците од ООУ"Гоце Делчев" од Неготино! Речиси сите дела се продадени, а средствата се за семејството Василеви од Неготино!