Во рамките на проектот на Министерството за култура „Нов културен бран“, на 15 септември со почеток во 10 часот, во изложбената сала на ОУ Музеј на град Неготино започна едукативен семинар со културно-уметнички друштва и фолклорни ансамбли од Република Македонија, со отварање на Изложба на народни носии и концертни фотографии од Ансамблот Македонија. На овој семинар учествуваат претставници од повеќе културно-уметнички друштва од Македонија и тоа: Штип, Берово, Битола, Демир Капија, Куманово, а од фолклорните ансамбли учествуваат состави од: Гевгелија, Струмица, Кавадарци и Неготино. На отварањето на изложбата говореше проф.д-р. Владимир Јаневски, професор од Факултетот за музички уметности при УГД “Гоце Делчев“ - Штип.