Во рамки на програмата за одбележување на празникот Св.Трифун, Општина Неготино и Општинска Установа Музеј на град Неготино, организираа научна конференција која се одржа на 13 и 14 февруари 2019, во салата на Општина Неготино и Музеј на град Неготино, која свечено беше отворена од Градоначалникот на Општина Неготино, Тони Делков. На конференцијата со свои презентации учествуваа: - Проф. д-р Дејан Методиески и проф. д-р Оливер Филипоски, Факултет за туризам и бизнис логистика, Универзитет “Гоце Делчев“ – Штип: “Музеите како составен дел од винските рути и винскиот туризам“. - Д-р Ели Луческа, ЈНУ Институт за старословенска култура – Прилеп: “Појава и развој на култот на Св. Трифун во Македонија““. - Проф. д-р Љупчо С.Ристески и доц. д-р Инес Црвенковска Ристеска, Институт за етнологија и антропологија, УКИМ, Скопје: “Празникот Св.Трифун на крстопат?“ - Драган Величковски, етнолог и Наталија Милковска, етнолог од ЛУ Градски Музеј Крива Паланка: “Обичаите поврзани со празникот Св.Трифун во североисточниот дел од Македонија – Крива Паланка и Кратово“. - м-р Екатерина Намичева, асистент на Европски Универзитет на Р.Македонија, Скопје и д-р Петар Намичев од Универзитет “Гоце Делчев“ – Штип: “Простории за подготовка и складирање на вино и ракија во традиционалната архитектура во Македонија, крај на 19-ти и почеток на 20-ти век“. - Јасминка Намичева, архитект кустос-советник од ЛУ Музеј на град Скопје и м-р Екатерина Намичева, асистент на Европски Универзитет на Р.Македонија, Скопје: “Архитектонски објекти во Скопје (1918-1941), запаметени како “боемски“- јавни простори со аурата на св.Трифун““. - Оливера Џартовска Тачевска, кустос етнолог, ЛУ Музеј на град Скопје: "Нова форма на празнување на Св. Трифун во урбаниот простор" - М-р Татјана Ѓорѓиовска, кустос советник и М-р Славица Христова кустос советник етнолог во ЛУ Музеј на град Скопје “ Славење на виното".