КУМАНОВСКИ ГРАФИЧАРИ, 2018, 25.01.2019 г.
На изложбата одржана во ОУ Музеј на Град Неготино се поставени 13 графики од кумановските графичари Зоран Јакимовски, Мирослава Цветковиќ, Стефан Јакимовски, Ханифе Ислами, Милена Арсовска, Валентина Илијевска, Наим Идризи, Симона Јакимовска, Ана Јовановска, Елеонора Накевска, Сандра Симоновска, Марио Стошевски и Дејвид Стоилковски. Нивните дела се претставени во повеќе графички техники: линогравура, линорез, бакрорез, акватинта, дигитален печат и комбинирани техники. Поголем осврт кон изложбата даде Роберт Цветковски, од НУ Центар за култура “Трајко Прокопиев“ од Куманово, кој покрај другото спомна дека во делата се чувствува влијанието на дигиталната технологија и свртувањето кон компјутерската графика како тренд којшто допрва ќе доминира во овој сегмент на визуелниот израз...сепак, присутни се и доминантни, класичните графички техники...Особена свежина и топлина на настанот придонесоа музичките изведби на учениците од ООМУ “Владимир Арсовски“ од Неготино, виолина Ана Димова во клавирска придружба на наставникот Емилија Кабранова и клавир Амелија Методиева!!!