“Филмска училница” во Музеј на град Неготино
Како дел од проектот “Филмска училница”во организација на Музејот на град Неготино и кустос Стојанчо Атанасов, денеска на учениците од 6г одделение од ООУ“Страшо Пинџур”им беше презентиран кратокометражниот документарен филм “Неготино низ годините”кој ги содржи најважните настани и случувања во Неготино во втората половина на минатиот век. Радува фактот што интересот за филмот на нашите млади сограѓани беше на високо ниво, при што изразија желба за повторна посета во Музејот на град Неготино.
Присутните ученици заедно со класниот раководител и наставник по историја Ангел Коцев, ја искористија посетата на музејот и за разгледување на постојаните музејски поставки – археолошката, етнолшката и историската.