Во рамките на манифестацијата “Недела на виното – Св.Трифун 2025” во Музејот на град Неготино синоќа беше отворена 20-тата по ред - јубилејна копаничарска изложба, во рамките на која се изложени дела на копаничарите од здружението “Стари занаети” од Неготино.
На отварањето, за значењето на изложбата и важноста на негувањето на копаничарствотокако дел од повеќевековната традиција на овој регион, пред многубројната публика говореа виш кустос етнолог – Драгица Чекоровска, преседателката на ЗГ “Стари занаети”- Љиљана Василева и директорот на Музеј на град Неготино Александар Донов.
Изложбата за отворена ја прогласи Претседателката на Советот на Општина Неготино Роза Јаневска. Изложбата ќе биде отворена до крајот на месец февруари и е со продажен карактер.