Во рамките на празнувањето на Денот на градот - 8-ми Ноември, во изложбениот салон на Музеј на град Неготино пред многубројната публика беше отворена изложбата "Сонот на Тома" на ликовниот уметник Томе Мишев од Неготино. Изложбата ја прогласи за отворена Претседателот на комисијата за јавни дејности при Советот на општина Неготино - Александар Гичовски, а свое обраќање имаа и директорот на музејот Александар Донов и познатиот културен работник Климе Коробар. Изложбата ќе биде отворена за јавноста до 1-ви декември.