“НЕСОЗНАЈНО“ на Филип Коруновски

2019 - Берлин,

2020 - Велес,

2021 - Неготино,

...во својата изложба со наслов “НЕСОЗНАЈНО“, уметникот од Велес, Филип Коруновски, не воведува во неговиот свет на драматични ликови кои како да се во постојана потрага по нешто, погледи полни копнеж и истовремено медитативно контемплативни. Емоцијата на ликовите доаѓа од дисбалансот помеѓу интимната содржина и грубоста на изразот, изразена во потезите на пастелот и хроматската гама инспирирана од урбаните мурали. Од една страна празнината, самотијата и копнежот на современиот човек, а од друга, на моменти пресилениот и наивен оптимизам се основните емоции кои ни ги носат делата на Коруновски во оваа негова изложба...

Настанот го збогати Трајче Станков, со изведба на преубави класични нумери на убавецот FEURICH.

Изложбата ќе може да се проследи до крајот на месец март 2021 година во изложбениот салон на Музеј на град Неготино, особено во понеделник на 08 Март, по повод одбележување на меѓународниот празник на жената.