Во рамки на манифестацијата Европски денови на културно наследство 2020, European cultural heritage days 2020, која оваа година се одржува од 01 до 07 октомври, Музеј на град Неготино го одбележува со меѓународна ликовна изложба на Александра Кокотовиќ, ликовен уметник од Сараево, БиХ. Александра Кокотовиќ е уметница која своето дело го искажува преку сликарство, скулптура, цртеж и графика. Член е на Здружението на ликовни уметници на Србија (УЛУС) и на Здружението на ликовни уметници на Босна и Херцеговина (УЛУБИХ). Родена е во Сараево и живее во Бејрут, Лондон, Белград и САД. Дипломирала моден дизајн на Академијата дел Лусо.
Изложувала во реномирани галерии и музеи во регионот и ширум светот.